27 сәуірде Қазақстан Республикасының Президенті Н.Ә. Назарбаев "Қазақстан Республикасының кейбір заңнамалық актілеріне сақтандыру және исламдық қаржыландыру мәселелері бойынша өзгерістер мен толықтырулар енгізу туралы" Қазақстан Республикасы Заңына қол қойды. Осы Заңға сәйкес жеке тұлғалардың ұлттық валютадағы депозиттері бойынша  мемлекеттік кепілдік 5 миллион теңгеден 10 миллион теңгеге дейін ұлғайтылды.

       Шетел валютасындағы депозиттер бойынша мемлекеттік кепілдік сомасы өзгермеді, яғни  5 миллион теңгені құрайды.

       Заң бойынша депозитордың бірнеше депозиттер немесе шоттары болған жағдайда, соның ішінде шетел валютасында, аталған салымдарға мемлекеттік кепілдік беріледі, алайда бір депозиторға бір банк бойынша 10 миллион теңгеден аспайды.

• Жеке тұлғалардың ұлттық және шетел валютасындағы депозиттері,
• Ағымдағы шоттағы ақша,
• Төлем карточкаларын қолдануымен банк шоттарындағы ақшаға кепілдік берілген.

      Ислам банкін қоспағанда, Қазақстан Республикасындағы барлық 37 екінші деңгейдегі банктер оның ішінде шетелдік банктердің еңшілес банктері, депозиттерге міндетті кепілдік беру жүйесінің қатысушылары болып табылады.